مذابح الثانوية العامية

متستغربوش أوي كدة أنا كنت زيكوا من كام يوم فاكر إن إسمها الثانوية العامة لغاية ما قابلت طالب في الثانوية فكان ده نص حواري معاه

- السلام عليكوا

- وعليكم السلام

- أيه ياعم شايفك مكدر كدة ليه

- هو فيه غيرها

- هي مين دي

- الثانوية العامية

- عامية مين يابني أحنا على أيامنا كنا بنسميها الثانوية العامة

- ده كان زمان دلوقتي بقت ثانوية عامية

- ليه يعني كده

- ياعم الحاج هي لما تيجي تطحن في نفسك طول السنة وتحرق في أعصابك وتقتل نفسك في المذاكرة طول سنتين علشان ربنا يكرمك في الأخر وتدخل كلية ترضى أنت ووالديك عنها ويجي في الأخر الإمتحانات جاية من برة الكتاب ومن برة الدنيا خالص وكمان فيه غش جماعي وتسريب أمتحانات لناس طول السنة مأنتخة وحتخش طب وهندسة وصيدلة وهمه ميعرفوش الفرق بين الرياضة والفيزياء يبقى دي ثانوية عامية ولا أنا أبقه غلطان

الحوار ده خلاني أسأل نفسي هو ايه سياسة البلد اللي تعمل في أولادها كدة ؟؟؟؟

طيب هو ليه الطالب تعوده على نظام الحفظ والحشر في المناهج ومش مشكلة يفهم طول عمره وتيجي أيام أمتحانات الثانوية تطلب إنه يكون زويل؟؟؟؟؟