محمد مدني خرج يا بشر

أنا النهاردة الفرحة مش سيعاني

بجد فرحان جدا جدا جدا

وعلشان كدة قررت أعمل النهاردة حفلة عندنا في المدونة لإن أخويا الحبيب جدا محمد مدني خرج بالسلامة بعد 65 يوم أعتقال من سجون حبيب الشر
ييييييه أنا مش عايز عكننة

يلا نعلق النور ونجيب الورد والفل والياسمين كمان

شوية أكل هنا يابني أيوة كدة صح

هات شربات للضيوف

و كمان التورتة بتاعة اليوم الجميل ده

يلا أسيبكوا تستمتعوا بالحفل ومتنسوش تلحقوا الصلا ة

أيوة نسيت أقولكوا إننا حنفضل شباب

ولا بيخاف

تاني تاني تاني ليه ؟؟؟؟؟

Freedom

على طريقة أغنية تاني ليه
نغني للنظام اللي بيأجل الحكم في قضية منتهية ونقوله ....... تاني تاني تاني ليه ؟؟؟؟؟؟؟؟؟؟

الكلام الأكيد إنها ضغط على الإخوان علشان المحليات مع إن القضية والله منتهية
ومن أول جلسة لو واحد مبيفهمش في أي قانون أو كان فقيه في كل دساتير الدنيا لكان أخدوا البرأة من زمان ولكن.....
نظامنا اللذيذ الحلو اللي مفيش أي قانون يوقف قدامه يأجل ويأجل ويأجل في الحكم ومن قبلها في الإنتخابات

أحنا من هنا بندعوا النظام الأعرج بتاعنا إنه يحترم نفسه ويلمها شوية ويخلصنا من المهزلة اللي العالم كله بيشوفها عندنا من محاكمة مهزلية لم تحدث في تاريخنا من قبل إلا في محكمة الشعب الشهيرة وما سبقها من محاكمات عسكرية للإخوان

متقوليش دول هنا ليه...؟؟؟؟

أكيد حفظاً للأمن والأمان !!!

سيارات الأمن المركزي تحيط بالمكان .... أكيد حفظا على سلامة المعتقلين

الحرية شىء مفقود في بلدنا ولازم نستردها

لم يبق لنا إلا أبواب السماء

والأبتهال والتضرع لرب السماوات والأرض

بارك الله في شيوخنا وشبابنا

والله الأشبال فيهم خير كتير بارك الله فيكم

ياعم لو كان تاجر فيها كان من أعظمها مطار على لندن مع صاحب العبارة

الأستاذ / صبحي صالح موسى نائب الشعب عن دائرة الرمل

علي فكرة الصور منقولة من مدونة أنسى

وفي الأخر بنقول ياحكومة فاسدة مهما عملتي في الإخوان والشرفاء والإصلاحيين

أحنا ولا بنخاف

نسألكم الدعاء لأسرى الإصلاح

غداً الحكم في المهزلة العسكرية
نسألكم جميعاً الدعاء لإخواننا أسرى الإصلاح في وطن الفساد

غزة رمز الصمود

ده كان عنوان المؤتمر اللي كان أمبارح في نادي المحامين بالأسكندرية
بصراحة كان المؤتمر جامد جدا كان فيه حوالي 10.000 ما بين رجال وسيدات وأطفال وصحفيين ونواب بالبرلمان وشخصيات قضائية

تخيلوا كل دول حضروا من أجل الأحتفال بصمود أهل غزة

متستغربوش هوه كان فعلا أحتفال

بعد ما أهل غزة شرفونا بصمودهم أمام الحصار والمجازر الصهيونية وده فعلا كان حاجة تستحق الأحتفال وكمان علشان نبعت رسايل قوية لأهل غزة إننا في أسكندرية معاهم وبنساندهم .

وقدم الأحتفال الأستاذ / صبحي صالح

الأستاذ / صبحي صالح

وعلي الرغم من إن مكنش ليه كلمة خاصة

إلا إنه كان بيقول كلمات بينية في الصميم

كانت بتوضح قد أيه الحصار اللي بيتعرض ليه أخوانا في غزة

والحصار اللي بيتعرض ليه الإخوان في مصر اللي بيحاولوا الترشيح في المحليات

وكان في تفاعل عالي جدا لما أستاذ صبحي قال : " أنا بأقول لدحلان الأسكندرية يبعد عن الأخوات المترشحات للإنتخابات وإن ده خط أحمر وإلا هو عارف أحنا ممكن نعمل أيه "

وساعتها الحضور كله هتف بصوت واحد ضد أمن الدولة .

واتكلم بعد كدة الدكتور / حمدي حسن واللي وضح لينا أهتمامات سيادة الريس في لقطتين كانوا بارزين جدا في السنتين اللي عدوا دول

أولها كان في حادثة العبارة لما سيادته راح علشان يتابع موت وغرق أكتر من ألف واحد وقعد ربع ساعة بس ولكن في نفس اليوم قعد في الأستاد 5 ساعات

والمرة التانية الأيام دي .... البلد كلها بتغلي من غلاء الأسعار و طوابير العيش و من موضوع الدنمارك بتاع سب الرسول صلي الله عليه وسلم وحصار غزة وسيادته كان كل أهتمامه مشكلة الحضري يحترف ولا لأ ودخول الإخوان الأنتخابات المحلية من عدمه وكأن سيادته بيحكم بلاد واق الواق .

وكان فيه مفاجئتين في المؤتمر الإولي الأتصال الهاتفي من الأستاذ / سامي أبو زهري المتحدث الرسمي بأسم الحكومة الفلسطينية الشرعية ( حكومة حماس يعني )

الأستاذ سامي أبو زهري أكد إن الوقفات دي بيكون صداها في غزة ومفعولها مفعول السحر علي أهلنا المحاصرين و إن الشعب الفلسطيني بيتدبح مرتين مرة بالقاذفات الصهيونية ومرة تانية بالصمت العربي علشان كدة أحنا في غزة بحاجة للوقفات دي .

وكانت المفاجئة التانية هي حضور مرشحة الإخوان عن دائرة الرمل / كوثر عبد الفتاح واللي أتكلمت كلمة بجد بجد تحسسك إن الأخوات رجالة جدا وأد المسئولية دي كعادتنا بيهم فجزاها الله خيرا

وكان في كمان كلمات للأستاذ / حسين محمد ، والمستشار / محمود الخضيري ، والأستاذ / صابر أبو الفتوح ، والمرشح عن دائرة المنتزة تاني الأستاذ / محمد حسن

وأنتهت الحفلة الجميلة والأمسية الرائعة بكلمة الأستاذ محمد عبد المنعم والأناشيد الجميلة لــ فرقة الهدي

وأحنا كلنا بنجدد عهدنا إننا

ولا بنخاف